Бугун, 5 июль куни Сенатнинг Бюджет ва иқтисодий ислоҳотлар масалалари қўмитаси томонидан «Солиқ маслаҳатига оид фаолият тўғрисида»ги қонун лойиҳаси муҳокама қилинди. Бу ҳақда «Дарё» мухбирини хабар бермоқда.
Маълум қилинишича, 2006 йилда қабул қилинган «Солиқ маслаҳати тўғрисида»ги қонун бугунги солиқ муносабатлари талабларига жавоб бермайди. Шу сабабли қонунни янгилаш зарур. Йиғилишда иштирок этган Молия вазири ўринбосари Дилшод Султонов янги қонун лойиҳасининг мазмуни тўғрисида гапирди.
Қонуннинг асосий мақсади – солиқ маслаҳатини ривожлантириш. Олдин бу тизимни Молия вазирлиги тартибга солар ҳамда лицензия берар эди. Энди бу ваколат ўзини ўзи бошқариш органлари ёки Солиқ маслаҳатчиси палатасига берилади. Молия вазирлиги эса регулятор бўлиб қолади. Мазкур қонун 24 май куни Қонунчилик палатаси томонидан қабул қилинган. Ҳужжатда 2006 йилда қабул қилинган «Солиқ маслаҳати тўғрисида»ги қонунни бекор қилиш таклиф этилмоқда.Дилшод Султоновинг қўшимча қилишича, ҳозир Ўзбекистонда 158 нафар солиқ маслаҳатчиси бор. Шундан 100 га яқини фаолият юритмоқда. Соҳада 2021 йилда кўрсатилган хизматлар ҳажми 26 миллард сўмни, 2022 йилнинг биринчи ярим йиллигида 15 миллиард сўмни ташкил этган. Бу жуда ҳам кам ҳисобланади.Қонунда жаҳон тажрибасидан келиб чиқиб, солиқ маслаҳатчиси соҳасини тартибга солиш жамоатчилик ташкилотларига, яъни Солиқ маслаҳатчиси палатасига топширилади. Палатага Молия вазирлиги бир қатор функцияларни ўтказмоқда. Хусусан, ташкилотга солиқ маслаҳатчисига малака сертификатини бериш, имтиҳондан ўтказиш, қайта расмийлаштириш, ўқитиш ва уларнинг малакасини ошириш ваколатлари берилади. Солиқ маслаҳатчиси реестри юритилади. Шунингдек, солиқ маслаҳатчиси хизмати турлари кенгаймоқда. Яъни уларга бир қатор ҳуқуқлар берилмоқда. Солиқ маслаҳатчиси сертификатини олиш учун талаблар енгиллаштирилмоқда. Авваллари 3 йил стаж талаб қилинардию. Энди буни 2 йилга туширдик. Соҳага кириб келишини енгиллаштирдик.
Дилшод Султонов, Молия вазири ўринбосари
Изоҳ (0)