Ижтимоий тармоқларда 5 июль кунидан «Ўзбекнефтгаз» АЖ АЁҚШларида Аи-80 маркали бензин нархи ошгани тўғрисида хабарлар тарқалди. Акциядорлик жамияти матбуот хизмати ҳолатга муносабат билдирди.
Маълум қилинишича, «Ўзбекнефтгаз» тасарруфидаги UNG Petro АЁҚШларида бугунги кунда 1 литри 6800 сўмни ташкил қилаётган Аи-80 маркали автобензиннинг чакана нархиошмаган.
Бухоро нефтни қайта ишлаш заводи томонидан 2022 йилнинг шу даврига қадар 749,7 минг тонна хом ашё қайта ишланган. Жумладан, автобензин (109,5 фоиз), дизель ёнилғиси (113,2 фоиз) бўйича белгиланган прогноз кўрсаткичлари ижроси тўлиқ таъминланган,
Шунингдек, 72,7 минг тонна Евро 4-5-6 экологик тоифадаги дизель ёнилғиси ҳамда 179 тн миқдорида юқори октанли Аи-98 русумли автомобиль ёнилғиси ишлаб чиқарилган.
Изоҳ (0)