Эрон Хитой бозорида Россия билан рақобатлашиш учун «шундоқ ҳам арзон» нефть нархини янада пасайтиришга мажбур бўлди, дея хабар берди Bloomberg нашри манбаларга таяниб.
Трейдерларнинг фикрича, ҳозирги вазиятда Эрон нефтининг нархи бир баррель учун Brent фьючерсларидан деярли 10 долларга паст. Эрон буни ўз маҳсулоти август ойида Хитойга келиши керак бўлган Россиянинг Urals нефть маркаси билан рақобатлаша олиши учун қилган.
Агентлик маълумотларига кўра, Эрон нефтнинг чегирмаси Украинада махсус операция бошланишигача бўлган нархларга нисбатан бир баррель учун 4-5 долларни ташкил қилган.
Хитой Россиянинг энергия ресурслари учун асосий бозорлардан бирига айланди, чунки Москва Украинадаги воқеалар ва санкциялар туфайли экспорт таъминотини сақлаб қолишга ҳаракат қилмоқда, деб ёзади Bloomberg.
Эрон учун Хитой бозори АҚШ санкциялари туфайли экспорти чекланган хом нефть етказиб бериш мумкин бўлган кам сонли бозорлардан биридир.
Изоҳ (0)