Германия канцлери Олаф Шольц мамлакат аҳолисининг кўпчилик қисми Украинадаги инқироз фонида иссиқлик таъминоти учун тўловлар нархининг баландлашганига дош бера олмаслиги мумкинлигини қайд этди. Унинг сўзларига кўра, бу «ижтимоий бомба» портлаши бўлади.
«Иссиқлик тизими учун нарх бирданига бир неча юз еврога ошса ушбу маблағни тўлашга ҳамма ҳам дош бера олмайди. Бу ижтимоий портловчи модда»,— деган Шольц АRD телеканалига берган интервьюсида («ТАСС» иқтибоси).
Шунингдек, у давлатнинг газ етказиб берувчилар ва истеъмолчиларни қўллаб-қувватлашини ваъда қилиб, ҳукуматнинг Россиядан газ импорт қилувчи Uniper концернига ёрдам бериш режаси борлигини айтган.
«Ҳозир биз компания билан биргаликда буни қандай амалга ошириш мумкинлиги борасида бош қотиряпмиз»,— деган Германия канцлери.
Июнда «Газпром» «Шимолий оқим» йўналишида газ миқдорини қисқартирганди. Компания ушбу қарорни Канада санскиялари туфайли ускуналарга хизмат кўрсатишдаги қийинчиликлар юзага келаётгани билан изоҳлаган.
Изоҳ (0)