Тошкент вилояти ҳокими Зоир Мирзаев Нукусда юз берган тартибсизликларга муносабат билдириб, «қорақалпоқ халқининг бахти ва фаровонлиги бутун ўзбек халқининг бахти ва фаровонлиги» эканини айтди.
Қорақалпоғистонда мен бормаган туман, овул қолмаган, ҳаммасига бориб, аҳоли билан гаплашиб, чой ичиб, бир дастурхон атрофида ўтирганман. Улардаги бағрикенглик, оғир иқлим шароитига қарамасдан, мардонавор ҳаёт кечираётганига тан берганман. Ҳозирги ҳолатлар қорақалпоқ халқининг қонига ҳам, келиб чиқиши, тарихига ҳам, умуман, табиатига тўғри келмайди.Биз ўз тақдиримиз ва келажагимизни ягона давлат, ягона халқ ўлароқ бир тан-у бир жон бўлиб яшаб келган Қорақалпоғистон ва унинг азм-у шижоатли, мард ва олийжаноб халқи билан бирга кўрамиз.
Шундай экан, бўлиб ўтган воқеаларга шу юрт, шу халқнинг эртаси ва келажагига бефарқ бўлмаган ҳар бир уйғоқ виждонли замондошимиз ўз муносабатини билдириши лозим. Токи, барчамиз ҳодисалардан керакли сабоқ ва хулосаларни чиқариб, тинчлик қандай бетимсол неъмат эканини аввало ўзимиз англашимиз ва жамоамиз, оиламиз, умуман, атрофимиздагиларга етказа олишимиз шарт ва зарурдир, — деган у вилоят фаоллари билан йиғилишда.
Изоҳ (0)