«Манчестер Юнайтед» ҳужумчиси Криштиану Роналдунинг манкунианлар жамоасидаги келажаги ҳамон сўроқ остида турибди.
Фабрицио Романонинг хабар қилишича, португалиялик «Манчестер Юнайтед»нинг айрим ўйинчиларининг даражасидан қониқиш ҳосил қилмоқда, бироқ жамоа трансфер ойнасида 6-7 нафар янги футболчи харид қилиши керак деб ҳисобламоқда.
Роналдуга «қизил иблислар»нинг трансфер бозоридаги суст ҳаракати ёқмаяпти. Унинг жамоа янги бош мураббийи Эрик тен Ҳаг билан муносабатларида ҳеч қандай муаммо йўқ.
Агар «Юнайтед» трансферларга жиддий эътибор қаратмаса, Роналду кетишни маъқул кўради. Бироқ клуб раҳбарияти ва мураббийлар штаби Роналдуни қўйиб юбориш ниятида эмас. Аввалроқ Роналду манкунианлар раҳбариятига жамоани тарк этиш ниятида эканини айтгани хабар қилинганди.
37 ёшли футболчи ортда қолган мавсумда 39 та ўйин ўтказиб, 24 та гол ва учта голли узатма муаллифига айланди.
Изоҳ (0)