Криштиану Роналду ёзда «Манчестер Юнайтед»ни тарк этишга тайёр.
The Times хабарига кўра, португалиялик футболчи клуб раҳбариятига агар яхшироқ таклиф тушса, уни сотиб юборишни сўради. 37 ёшли ҳужумчи фаолияти сўнгига қадар Чемпионлар Лигасида ўйнамоқчи. Роналду яна 3-4 йил фаолиятини якунлаш ниятида эмас.
Манкунианликлар 2021/22 йилги мавсум АПЛда 6-ўринни эгаллади ва Европа Лигаси йўлланмасини қўлга киритди. Роналду жамоани ҳурмат қилади, аммо кўпроқ нарсани кутади.
Криштиануга «Наполи» жамоаси ҳам қизиқиш билдирган. Олдинроқ футболчи ўз хизматини «Интер»га таклиф қилганди.
Аввалроқ Криштиану фаолиятини «Рома»да давом эттириши мумкинлиги маълум қилинганди. Кейинчалик «Бавария» ҳам уни ўз сафига қўшиб олишга ҳаракат қилиши ҳақида хабар берилганди. Аммо мюнхенликлар спорт директори Ҳасан Салиҳамижич миш-мишлар ҳақиқатга тўғри келмаслигини айтиб ўтди.
Роналду 2021/22 йилги мавсум манкунианликлар сафида барча мусобақаларда 39 та ўйинда майдонга тушиб, 24 та гол ва 3 та голли узатмани амалга оширди.
Изоҳ (0)