Оғир вазн тоифасида собиқ жаҳон чемпиони Энтони Жошуа WBA, WBO ва IBF камарлари соҳиби Олександр Усикка қарши жанг олдидан ўз фикрларини билдириб ўтди.
Энг яхшиси шуки, мен иккинчи имкониятга эга бўлдим. Ўсмирлигимда доим муаммоларга дуч келардим, бироқ юқори кучлар менга иккинчи имкониятни берди ва боксга кириб келдим.Энтони Жошуа ва Олександр Усик ўртасидаги жанг 20 август куни бўлиб ўтади. Жангга Саудия Арабистонининг Жидда шаҳри мезбонлик қилади.Спорт залига қадам босганимдан сўнг, иккала қўлим билан спортни ушладим ва қўйиб юбормадим. Агар менинг тарихимни яхши билсангиз, камбэклар қироли эканимни ҳам биласиз.
Йиқилишим мумкин, лекин ҳеч ким мени пастда ушлаб тура олмайди, чунки руҳиятга тўламан.
Олдинга интилишда давом этамиз. Усикка омад ва барча яхшиликларни тилайман. 20 август куни аренага ташриф буюрган ҳар бир киши учун шоу кўрсатишни сабрсизлик билан кутяпман.
Энтони Жошуа, боксчи
Боксчилар ўртасидаги дастлабки жанг 2021 йилнинг сентябрь ойида «Тоттенҳэм Ҳоцпур» стадионида бўлиб ўтганди. Унда Усик ҳакамлар қарорига кўра (117-112, 116-112, 115-113) Жошуа устидан ғалаба қозонган эди.
Изоҳ (0)