Transfermarkt портали Африканинг айни вақтдаги энг қиммат ўйинчилари рейтингини эълон қилди.
Унга кўра, «Ливерпуль» ҳужумчиси Муҳаммад Салоҳ биринчи ўринни эгаллаб турибди. Мисрлик футболчининг трансфер қиймати 90 миллион еврога тенг.
Рўйхатда иккинчи ўринни яқинда «Ливерпуль»дан «Бавария» сафига ўтган Садио Мане эгаллади. «Наполи» шарафини ҳимоя қилаётган Виктор Осимҳен 65 миллион евро билан учинчи поғонани банд этган.
«ПСЖ» ҳимоячиси Ашраф Ҳакими (65 миллион) ва «Лестер» аъзоси Уилфред Ндиди (60 миллион) кучли бешликни якунлаб берган.
Африканинг энг қиммат ўн футболчиси:
Муҳаммад Салоҳ («Ливерпуль», Миср) — 90 миллион евро;
Садио Мане («Бавария», Сенегал) — 70 миллион евро;
Виктор Осимҳен («Наполи», Нигерия) — 65 миллион евро;
Ашраф Ҳакими («ПСЖ», Марокаш) — 65 миллион евро;
Уилфред Ндиди («Лестер», Нигерия) — 60 миллион евро;
Франк Кессиэ («Милан», Кот-д’Ивуар) — 45 миллион евро;
Томас Парти («Арсенал», Гана) — 38 миллион евро;
Уилфред Заҳа («Кристал Пэлас», Кот-д’Ивуар) — 38 миллион евро;
Эдмонд Тапсоба («Байер», Буркина Фасо) — 35 миллион евро;
Ив Биссума («Брайтон», Мали) — 35 миллион евро.
Аввалроқ Осиёнинг айни вақтдаги энг қиммат ўйинчилари рўйхати эълон қилинган ва ундан Ўзбекистон терма жамоаси вакили Элдор Шомуродов ҳам жой олгани хабар қилинганди.
Изоҳ (0)