Москванинг Хамовнический суди полициячиларнинг қонуний талабларига бўйсунмаганликда айбланган сиёсатчи Иля Яшинни ўн беш кунлик қамоқ жазосига ҳукм қилди.
Иля Яшин 28 июнга ўтар кечаси Хамовникидаги боғда сайр қилаётганида қўлга олинди, дейди воқеага гувоҳ бўлган журналист Ирина Баблоян. Полиция Яшин ҳибсга олиш вақтида уларни ҳақорат қилгани маълум қилган, аммо бу ҳақиқат эмас, дея қўшимча қилади Баблоян.
Яшиннинг ўзи унга нисбатан қўзғатилган маъмурий ишни уйдирма деб атади. Telegram-каналида у суддаги нутқи матнини эълон қилди.
«Мен оппозиция сиёсатчисиман. Мустақил депутат, президент Путиннинг танқидчиси ва Украина билан урушнинг мухолифи. Бу ҳибсга олиш менга босим ўтказиш усулидир.
Эҳтимол, бу кеча Москвада бошланган муниципал сайловлар билан боғлиқ бўлиши мумкин. Улар сайлов кампаниясини ташкил этишга халақит бериш мақсадида мени изоляция қилишга уринмоқда. Сўнгги кунларда шаҳар бўйлаб мустақил мундепнинг бир қатор аъзолари ҳибсга олиниши кузатилди.
Тан оламанки, менинг ҳибсга олинганим келажакдаги жиноий иш учун муқаддимадир. Менинг ўртоғим Владимир Кара-Мурза ҳам аввал ҳибсга олинди, у урушга қарши чиқишлари учун қўзғатилган жиноий иш бўйича махсус қамоқхонадан тўғридан-тўғри тергов изоляторига юборилди».
Иля Яшин Россияда қолган ва Украина билан урушга очиқдан-очиқ қарши чиққан кам сонли мухолиф сиёсатчилардан бири.
Изоҳ (0)