UFC промоушени 28 июнь куни янгиланган рейтингни эълон қилди.
26 июнь тонгида бўлиб ўтган UFC Vegas 56 мусобақаси асосий жангида ғалаба қозонган Матеуш Гамрот енгил вазн дивизионида тўрт поғона юқорилаб, 8-ўринда қайд этилди. Унга мағлуб бўлган Арман Сарукян 11-поғонадаги жойини сақлаб қолди.
Конор Макгрегор енгил дивизион ўнлигини тарк этган. Ирландиялик яккакурашчи 8-поғонадан 12-ўринга тушиб кетган.
Ярим ўрта вазн тоифаси вакили Шавкат Раҳмонов рейтингда бир йўла бешта поғона кўтарилган ва кучли ўнликка кирган. Унга енгилган Нил Магни эса 12-ўринга тушиб кетди.
Промоушендаги учинчи ғалабасига эришган Умар Нурмагомедов илк бор рейтингда кўриниш берди. Россиялик спортчи ўта енгил вазн тоифасининг 15-поғонасидан жой олган.
Изоҳ (0)