«Барселона» футзал клуби 2021/22 йилги мавсумда квадрупл қайд этди.
25 июнь куни каталонияликлар Испания чемпионатида зафар қучди. Ушбу соврин «кўк-анорранглилар» учун жорий мавсум тўртинчиси бўлди. Аввалроқ «Барселона» Чемпионлар Лигаси, Испания Кубоги ва Испания Суперкубогида ғалаба қозонганди.
Жамоа президенти Хоан Лапорта тўртта совринни ҳам клуб музейига топширди.
«Клуб бошдан кечираётган оғир даврда футзал жамоасининг мавсумни ажойиб тарзда ўтказиб, энг муҳим тўртта совринни қўлга киритгани ва бизга тақдим этган хурсандчилиги учун жуда миннатдормиз», — дейди Лапорта.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)