Шавкат Мирзиёев «тонировка» масаласига тўхталди.
«Ҳар бир ислоҳотимиз, таклиф ва ташаббусларимиз, бу – энг аввало инсон қадри учун.
Шу боис, халқимизга қандай енгилликлар берсак, у биздан рози бўлади, деган савол барча раҳбарларни ҳар куни, ҳар дақиқа ўйлантириши керак.
Ҳар гал жойларга чиққанимда оддий-оддий одамлар билан учрашиб, муаммоларини эшитаман, яна қанча аҳолимизда шундай муаммолар борлиги ҳақида ўйлайман ва унга ечим қидираман. Оммавий ахборот воситалари, ижтимоий тармоқларда кўтарилаётган масалалардан ҳам хабардорман.
Мана, бугунги кунда мамлакатимизда енгил автомашиналар сони 3,5 миллиондан ошди. Ҳайдовчиларимизда ҳам кўплаб эътирозлар тўпланиб қолган. Шу боис, бугун ҳайдовчилар ва йўловчилар анчадан бери кутган, уларнинг кайфиятини кўтарадиган қарорни имзоладим», – деди президент.
Бундан аввал июль ойидан бошлаб Ўзбекистонда «тонировка»нинг нархи кескин арзонлашиши кутилаётгани ҳақида хабар қилинганди.
Унга кўра,
– тўлиқ «тонировка» (барча ён ойналар) – 15 БҲМ (4,5 миллион сўм);
— орқа ён ойналар — 1 та БҲМ (300 минг сўм) этиб белгиланган.
Изоҳ (0)