Ўзбекистонда 2021 йил куз ва жорий йил баҳор мавсумида жами 213 миллион дона манзарали, мевали дарахт ва бута кўчатлари экилиши ташкил этилган. Бу ҳақда Экология ва атроф-муҳитни муҳофаза қилиш давлат қўмитасининг мутасаддилари маълум қилди.
Шунингдек республикадаги йирик, ўрта ва кичик маҳаллаларда жами 70,8 миллион дона ҳамда умумий фойдаланишдаги автомобиль йўллари ёқаларига 72,5 миллион дона терак кўчат ва қаламчалари экилган. Суғориш тизимини яхшилаш бўйича 238 та қудуқлар қазилган. Ҳудудларда экилган дарахт ва буталарни суғориш, парвариш ва муҳофаза қилиш мақсадида юридик ва жисмоний шахсларга бириктирилган.
Бундан ташқари, туман (шаҳар)ларда мавжуд 740 та сув ташиш автотранспортлари кўчатларни суғориш ишларига жалб этилган. Барча масъул ташкилотларга дарахт кўчатларини парваришлаш бўйича 10 577 та мажбурий кўрсатмалар берилиб, кўрсатма талабларини лозим даражада бажармаган 109 нафар мансабдор шахсларга нисбатан 311 миллион сўм миқдорида маъмурий жарималар қўлланилди.
Аввалроқ Жаҳон банки Ўзбекистонда ўрмонларни тиклаш учун 142 миллион долларлик кредит ажратиши, Ўзбекистонда дарахтларни кесганлик, шикастлаганлик учун жарима миқдорлари оширилиши, Ўзбекистонда дарахтларни ноқонуний кесганларни фото ва видеога олиб юборганлар мукофотланиши тўғрисида хабар берилганди.
Изоҳ (0)