Ижтимоий тармоқларда Наманган вилоятида «Зил-53» машинаси ёниб кетгани тасвирланган видеолар тарқалди. Вилоят ФВБ ҳолат юзасидан расмий маълумот берди.
Маълум қилинишича, 27 июнь куни соат 09:47 Наманган вилояти ФВБга «Зил-53» юк машинасида ёнғин содир бўлаётгани тўғрисида хабар келиб тушган. Ўт ўчирувчилар томонидан ёнғин тезда бартараф этилган.
«Ҳурматли фуқаролар, кун исиб кетгани натижасида автомобилларингизнинг техник ҳолатига эътиборда бўлинг», — дейилади муносабатда.
Аввалроқ Жиззахдаги хонадонда вентилятор сабаб ёнғин содир бўлгани, Тошкентда юк машинаси ёниб кетгани тўғрисида хабар берилганди.
Изоҳ (0)