Харьков ва Донецк яна ўққа тутилди. Славянскда кўнгилли жарроҳлар ишламоқда. Киев вилояти тикланмоқда. Урушнинг 122-кунидан фоторепортаж
Урушнинг 122-кунида Украина Қуролли кучлари Северодонецк ва унинг атрофидан чиқиб кетаётганини эълон қилди. Россия Мудофаа вазирлиги, ўз навбатида, ушбу аҳоли пунктлари Россия қўшинлари назоратига ўтганини маълум қилди. Россия томонидан Харьков ва Украинанинг бошқа шаҳарларига ракета ҳужумлари давом этди. Литва президенти Гитанас Науседа эса Калининградга транзит масаласида Россияга ён бермаслигини айтди. Meduza урушнинг 122-кунига оид суратларни тўплади.
Харьков
Харьковдаги «Параллел» бизнес маркази. Бино босқин бошида Россия ракетаси томонидан шикастланган. Сўнгги бир неча кун ичида Россия томонидан Харьковни ўққа тутиш кучайди.Фото: EPA
Россия ҳужумига учраган Харьков атрофидаги турар жой биноси.Фото: EPA
Киев вилояти
Андреевка қишлоғида яшовчи кекса аёл вайрон бўлган уйи олдида. Днепр дарёсининг ўнг соҳилидаги бу қишлоқ, Киев вилоятидаги бошқа аҳоли пунктлари каби урушнинг илк ойида россияликлар истилоси остида бўлган ва ундаги биноларнинг деярли барчаси отишмалар чоғида шикастланган.Фото: Anadolu
Андреевкалик аёл Россия зарбасидан бузилиб кетган уйини таъмирламоқда.Фото: Anadolu
Донбасс шимоли
Донецк вилояти Константиновка шаҳарчасидаги бозорда ўйинчоқ автомат кўтарган болакай. Шаҳар украиналиклар назоратида ва Россия томонидан мунтазам ўққа тутилмоқда.Фото: Reuters
Хирург-ортопед Никита Козелский украиналик ҳарбийнинг тиззасидан снаряд парчасини олиб ташламоқда. Козелский бошқа тиббиёт ходимлари каби Украина шарқидаги фронтга келган ва Славянск госпиталида кўнгилли сифатида ишламоқда. Бу госпитал фронт чизиғидан 13 километр масофада жойлашган ва бир ойдан буён сув таъминотисиз ишламоқда.Фото: Getty Images
Украина шарқидаги ҳудудлардан аҳолини Днепр ва Львовга олиб кетаётган эвакуация поезди йўловчилари.Фото: Reuters
Донецк
Донецкда яшовчи киши россияликлар ҳужумидан шикастланган квартирасини кўздан кечирмоқда.Фото: Reuters
Изоҳ (0)