UzVC Миллий венчур фонди Sturgeon Capital компанияси билан ҳамкорликда ўзининг илк стартапини 100 минг доллар миқдорида молиялаштирди. Бу ҳақда Инновацион ривожланиш вазирлиги хабар бермоқда.
UzVC Ўзбекистон ҳукуматнинг қарори билан 2020 йилда ташкил этилган. Фонднинг бошланғич устав капитали 15 миллиард сўм миқдорида белгиланган.
Хабар берилишича, ТАSS Vision стартапи тақдим этилган аризалар орасида инвестиция комиссияси томонидан маъқулланган.
Ушбу раундда маҳаллий «бизнес ангели» Баҳром Абдуқодиров ҳам иштирок этди.
Маблағлар маҳсулотни ривожлантириш ва хизмат кўрсатиш сифатини ошириш, шунингдек, ташқи бозорга чиқаришга йўналтирилади.
2019 йилда ташкил этилган ТАSS Vision стартапи сунъий интеллектдан фойдаланган ҳолда видеотаҳлил технологиясини тақдим этади.
Бунга Visitor Analytics — жинси ва ёши бўйича ташриф буюрувчилар таҳлили, Face HR – HR вазифаларини осонлаштириш учун ходимларнинг келиш вақтини қайд этиш ва (CJM) Customer Journey Map — дўконда энг кўп «сотиладиган» нуқталар таҳлили киради.
Стартап ўзининг асосий миссиясини анъанавий чакана савдони юқори технологияли ва самарали савдога айлантириш деб атайди.
Айни пайтда стартапда 20 дан ортиқ ходимлар ҳамда Жанубий Корея ва Хитойдан масофавий тарзда дастурчилар ишламоқда.
UzVC илгари юборилган аризаларни кўриб чиқиш ва стартаплардан янги аризаларни қабул қилишда давом этмоқда.
Изоҳ (0)