Май ойида Буюк Британиянинг истеъмол нархлари индекси (CPI) бензин ва озиқ-овқат нархларининг кескин ўсиши фонида ўтган йилнинг шу даврига нисбатан 9,1 фоизгача кўтарилди.
Миллий статистика хизмати (ОNS) маълумотларига кўра, бу 1982 йил февралидан бери энг юқори инфляция даражаси бўлиб, бундан бир йил аввал, 2021 йилнинг май ойида эса 2,1 фоизни ташкил қилган.
Инфляциянинг ўсишига бензин ва дизель ёнилғиси, озиқ-овқат ва алкоголсиз ичимликлар нархларининг ошиши энг катта ҳисса қўшди.
Шу билан бирга, ОNS маълумотларига кўра, май ойида озиқ-овқат нархлари 2009 йилдан бери энг тез суръатларда ўсди. Энг кўп истеъмол қилинадиган нон, ёрма ва гўшт қимматлашган. Кийим-кечак, пойабзал, шунингдек, кўнгилочар ва маданий тадбирлар эса арзонлашган.
Бир йил аввал, 2021 йилнинг май ойида айнан тескари тенденция кузатилганди: кийим-кечак, пойабзал ва дам олиш нархлари энг кўп ўсган, озиқ-овқат ва алкоголсиз ичимликлар эса арзонлашган.
Уй-жой мулкдорларининг йиллик инфляция индекси (CPIH) май ойида 7,9 фоизга ўсди, бу 1991 йил апрелидан бери энг тез кўрсаткичдир.
CPIH’нинг ўсишига энг катта ҳиссани коммунал хизматлар, транспорт нархларининг кўтарилиши қўшди.
Электр ва газ нархининг ошиши ҳисобга олинган ҳолда коммунал хизматлар нархларининг ўсиши 2006 йилдан бери энг юқори кўрсаткич бўлди.
2022 йилнинг май ойида бензиннинг ўртача нархи литри учун 165,9 пенсни, дизель ёнилғиси учун эса 179,7 пенсни ташкил этди, бу иккаласи ҳам рекорд даражадаги юқори кўрсаткичдир. Йил давомида ёнилғи нархи 32,8 фоизга ошган.
Аввалроқ Ўзбекистонда ойлик инфляция 1,5 фози эканлиги хабар берилган эди.
Изоҳ (0)