Фарғона вилояти Фарғона шаҳрида контракт пулларни арзонроқ тўлашларини айтиб, фуқаролардан пул олган шахс қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, 2021 йил ноябрь ойида Қува туманида яшовчи фуқаро М.Р. (аёл) жами 5 нафар фуқарога ўзини Фарғона давлат университети маркетинг бўлими ходими деб таништирган. Фарзандларини супер контракт пулларини арзонлаштириб беришини айтиб, улардан жами 45 миллион сўм ва 500 доллар олиб, ўзининг шахсий эҳтиёжига сарфлаб юборган.
Ҳолат юзасидан М.Р.га нисбатан Жиноят кодексининг 168-моддаси (фирибгарлик) 3-қисми «б» банди билан жиноят иши қўзғатилиб, қамоққа олиш тарзидаги эҳтиёт чораси қўлланилган.
Юқорида кўрсатилган жиноятни содир этган шахс 8 йилгача озодликдан маҳрум қилиш билан жазоланиши мумкин.
Мавзуга доир:
- Андижонда 14 минг доллар эвазига тиббиёт институтига ўқишга кириб қўйишни ваъда қилган талаба ушланди
- Фарғонада икки фуқаронинг Қирғизистондаги ўқишини кўчириб бериш учун 4,6 минг доллар олган шахслар ушланди
- Фарғонада 2 йил олдин арзон нархга Captiva олиб бериш учун танишидан 15 минг доллар олган шахс ушланди
Изоҳ (0)