Farg‘ona viloyati Farg‘ona shahrida kontrakt pullarni arzonroq to‘lashlarini aytib, fuqarolardan pul olgan shaxs qo‘lga olindi. Bu haqda viloyat Ichki ishlar boshqarmasi xabar qildi.
Qayd etilishicha, 2021-yil noyabr oyida Quva tumanida yashovchi fuqaro M.R. (ayol) jami 5 nafar fuqaroga o‘zini Farg‘ona davlat universiteti marketing bo‘limi xodimi deb tanishtirgan. Farzandlarini super kontrakt pullarini arzonlashtirib berishini aytib, ulardan jami 45 million so‘m va 500 dollar olib, o‘zining shaxsiy ehtiyojiga sarflab yuborgan.
Holat yuzasidan M.R.ga nisbatan Jinoyat kodeksining 168-moddasi (firibgarlik) 3-qismi “b” bandi bilan jinoyat ishi qo‘zg‘atilib, qamoqqa olish tarzidagi ehtiyot chorasi qo‘llanilgan.
Yuqorida ko‘rsatilgan jinoyatni sodir etgan shaxs 8 yilgacha ozodlikdan mahrum qilish bilan jazolanishi mumkin.
Mavzuga doir:
- Andijonda 14 ming dollar evaziga tibbiyot institutiga o‘qishga kirib qo‘yishni va’da qilgan talaba ushlandi
- Farg‘onada ikki fuqaroning Qirg‘izistondagi o‘qishini ko‘chirib berish uchun 4,6 ming dollar olgan shaxslar ushlandi
- Farg‘onada 2 yil oldin arzon narxga Captiva olib berish uchun tanishidan 15 ming dollar olgan shaxs ushlandi
Izoh (0)