Жиззах вилояти Зафаробод туманида парвариш қилинганидан сўнг йиртқич қуш табиат қўйнига қайтарилди. Бу ҳақда Давлат экология қўмитаси хабар қилди.
Қайд этилишича, Зафаробод тумани «Чимқўрғон» МФЙда 4 июнь куни ёш болалар томонидан йиртқич қуш тутиб олинган. Уча олмай қолган бургут боласи ветеринар кўригидан ўтказилган ва аҳволи назорат қилинган. Йиртқич қуш парвариш қилиш учун вақтинча Зафаробод туман ветеринария бўлими назоратига берилган.
Орадан 17 кун ўтиб, қуш боласи тўлиқ парвариш қилингандан кейин учишга шай ҳолатга келган. 21 июнь куни Зафаробод тумани экология ва атроф-муҳитни муҳофаза қилиш бўлими инспектори ҳамда туман ветеринария бўлими ходими билан биргаликда йиртқич қушни табиат қўйнига қўйиб юборган.
Изоҳ (0)