«Реал» ярим ҳимоячиси Тони Кроос 2023 йилнинг ёзида жамоани тарк этиши мумкин.
АS нашрининг хабарига кўра, немис футболчиси 2023 йилнинг ёзида ўз ниҳоясига етадиган шартномасини узайтиришни истамаяпти. Кроос дастлаб кейинги мавсум қандай ўтишини кузатмоқчи, шундан кейин қолиш, ёки қолмаслик борасида қарор қабул қилади.
Хавбек жамоага ортиқча юк бўлишни истамайди ва узоқ муддатли режаларига салбий таъсир ўтказмоқчи эмас, шунинг учун у кейинги мавсум сўнгида жамоага ёрдам бериш қобилиятини баҳолайди.
«Реал» футболчининг ушбу қароридан ҳайратда қолган, аммо уни ҳурмат қилади.
Аввалроқ 32 ёшли футболчи фаолиятини «Реал»да якунламоқчи эканини маълум қилганди.
Кроос 2014 йилдан бери «Реал» шарафини ҳимоя қилиб келмоқда, у жамоа билан бирга тўрт марта Чемпионлар Лигасида ва уч марта Ла Лигада ғолиб бўлган.
Изоҳ (0)