Уэльс футбол ассоциацияси Райан Гиггзнинг терма жамоа бош мураббийлигидан кетишини тасдиқлади.
Уэльс футбол ассоциацияси (FAW) 2022 йил 20 июнь куни Райан Гиггз томонидан эълон қилинган шахсий баёнотни тасдиқлайди. FAW Райан Гиггзга терма жамоа бош мураббийи сифатидаги фаолияти учун миннатдорчилик билдиради ва унинг Уэльс футболи манфаатларига хизмат қилиш қарорини қадрлайди. FAW ва Уэльс терма жамоасининг бор эътибори йил охирида Қатарда бўлиб ўтадиган Жаҳон Чемпионатига қаратилган.Эслатиб ўтамиз, Райан Гиггз 2020 йил ноябрь ойида собиқ қайлиғига ҳужум қилганликда айбланган эди. Шундан кейин терма жамоа бошқарувидан вақтинча четлатилганди. Тез орада бу иш бўйича суд жараёни бўлиб ўтиши кутилмоқда.Уэльс футбол ассоциацияси баёноти
Уэльс терма жамоаси ЖЧ—2022 нинг ўтиш ўйинида Украинани мағлуб этиб, мундиалга йўлланмани қўлга киритди. Уэльс ЖЧ—2022 B гуруҳида Англия, АҚШ ва Эронга қарши баҳс олиб боради.
Изоҳ (0)