Telegram’да пуллик обуна — Telegram Premium пайдо бўлди. Бу ҳақда компания ўз сайтида хабар берди.
Обуна бўлиш орқали фойдаланувчилар 4 ГБ ҳажмдаги файлларни юклаш, юқори тезлик, эксклюзив стикерлар ва реакциялар, чат бошқарувини яхшилаш ва бошқа имкониятларга эга бўлади.
Обуна нархи — ойига 65 минг сўм атрофида. Унга эга бўлган фойдаланувчилар Telegram’да рекламадан озод бўлади.
Компаниянинг қайд этишича, обуна дастурчиларга иловага янги функцияларни қўшиш ва Telegram’дан бепул фойдаланишни сақлаб қолиш имконини беради.
Ишончимиз комилки, Telegram’ни ривожлантириш йўналишини биринчи навбатда реклама берувчилар эмас, фойдаланувчилар белгилаши керак. Шундай қилиб, фойдаланувчилар ҳар доим бизнинг устувор вазифамиз бўлиб қолади, — дейилади хабарда.
Аввалроқ Telegram’да яқинда пайдо бўладиган пуллик аккаунтлар ҳақида тўлиқ маълумотлар берилган эди.
Изоҳ (0)