Ўзбекистон январь—май ойларида асосан қайси давлатлардан енгил автомобиль импорт қилгани ҳақида маълумот берилган. Ушбу маълумотларга кўра, Россиядан автомобиль импорти кескин камайди.
Агар ўтган ойларда Ўзбекистонга Россиядан 100 дан ортиқ автомобиль олиб келинган бўлса, май ойида бу кўрсаткич бор-ёғи 79 та бўлди.
Март ойида импорт ҳажми 310 та автомобилни ташкил қилган эди. Икки ойда бу кўрсаткич 3 баробардан ҳам кўпроққа тушиб кетди.
Асосий сабаб — уруш ва санкциялар туфайли Россия заводларининг ёпилиши.
Бундан ташқари, автомобилсозлик компаниялари микрочипларнинг этишмаслиги туфайли муаммоларга дуч келишмоқда.
Натижада илгари Россия Ўзбекистонга олиб кириладиган автомобиллар сони бўйича Хитой ва Жанубий Кореядан кейин учинчи ўринда бўлган бўлса, ҳозир бу ўринни Қозоғистонга бой бериб қўйди.
Йил бошидан бери импорт қилинган автомобиллар бўйича Россия учинчи ўриндаги Қозоғистондан катта фарқ билан ортда қолмоқда — 1 400 та автомобиль атрофида.
Ўзбекистон Россия билан автомобиль ишлаб чиқариш соҳасидаги бир неча лойиҳалар бўйича ҳамкорлик қилади.
2020 йили «Узавтосаноат» ва «Фолксваген Груп Рус» Volkswagen ва Škoda автомобилларининг йиғувини йўлга қўйган эди.
2021 йилдан бери Жиззах вилоятида Lada Vesta SW, XRAY ва Largus автомобиллари йиғилади. Бу лойиҳаларнинг барчаси энди санкциялар ва уруш туфайли сўроқ остида қолди.
Аввалроқ Ўзбекистондаги Renault автомобилларига энди нима бўлиши ҳақида хабар берилган эди.
Изоҳ (0)