НАТО бош котиби Йенс Столтенберг Билд ам Sonntag газетасига берган интервьюсида Россиянинг Украинага қарши уруши бир неча йил давом этиши мумкинлигини айтди.
«Биз бу уруш бир неча йиллар давом этиши мумкинлигига тайёрланишимиз лозим. Биз Украинани қўллаб-қувватлашни заифлаштирмаслигимиз керак. Ҳатто харажатлар юқори бўлса-да — нафақат ҳарбий ёрдам учун, балки энергия ва озиқ-овқат нархларининг кўтарилиши туфайли ҳам», — дейди НАТО раҳбари.
Столтенбергнинг қайд этишича, агар бу урушдан кейин Россия президенти Владимир Путин 2008 йил Грузияда ва 2014 йил Қримда қилган ишини давом эттиришга қарор қилса, НАТО «жуда каттароқ нарх тўлайди».
Аввалроқ Буюк Британия бош вазири Борис Жонсон ҳам Ғарб етакчиларини Украинадаги урушнинг узоқ давом этишига тайёрланишга чақирганди. Украина айни пайтда «уруш тугашидан йироқ» экани Украина Миллий хавфсизлик ва мудофаа кенгаши котиби Олексий Данилов ҳам айтиб ўтганди.
Изоҳ (0)