АОКАда қурилиш вазири ўринбосарлари, халқаро экспертлар ва мутасаддилар иштирокида матбуот анжумани ўтказилди. Унда шаҳарларнинг бош режаси масаласига тўхталиб ўтилди.
Қайд этилишича, республикада мавжуд 120 та шаҳардан 118 тасининг бош режаси ишлаб чиқилган. 214 та маҳалланинг бош режалари ҳам ишлаб чиқилган. Яна 108 та маҳалланики шу йил охиригача якунига етказилади.
Туркия билан ҳамкорликда Ҳаёт лабораторияси ташкил этилиб, унда замонавий дастурлар бўйича шаҳарсозлик ҳужжатлари ишлаб чиқилмоқда. Геоахборот тизими асосида кадрларнинг малака ва кўникмаси оширилмоқда. Жумладан, Янги Тошкент, Янги Наманган ва Янги Олмалиқ шаҳарларининг шаҳарсозлик ҳужжатлари ҳозирги кунда шакллантирилмоқда.
Шунингдек, «ТошкентбошпланЛITI» давлат унитар корхонасида Тошкент шаҳрининг бош режасини тайёрлаш бўйича амалий ишлар бошлаб юборилган.
2023—2027 йилларга мўлжалланган дастур лойиҳаси тайёрланган. Аввал ишлаб чиқилган 17 та шаҳарнинг бош режасига тузатиш киритиш, 292 та шаҳарчаларнинг бош режаларини ишлаб чиқиш, 649 та қишлоқ аҳоли пунктларининг бош режалари ва режалаштириш лойиҳаларини тайёрлаш дастурга киритилган.
Изоҳ (0)