AOKAda qurilish vaziri o‘rinbosarlari, xalqaro ekspertlar va mutasaddilar ishtirokida matbuot anjumani o‘tkazildi. Unda shaharlarning bosh rejasi masalasiga to‘xtalib o‘tildi.
Qayd etilishicha, respublikada mavjud 120 ta shahardan 118 tasining bosh rejasi ishlab chiqilgan. 214 ta mahallaning bosh rejalari ham ishlab chiqilgan. Yana 108 ta mahallaniki shu yil oxirigacha yakuniga yetkaziladi.
Turkiya bilan hamkorlikda Hayot laboratoriyasi tashkil etilib, unda zamonaviy dasturlar bo‘yicha shaharsozlik hujjatlari ishlab chiqilmoqda. Geoaxborot tizimi asosida kadrlarning malaka va ko‘nikmasi oshirilmoqda. Jumladan, Yangi Toshkent, Yangi Namangan va Yangi Olmaliq shaharlarining shaharsozlik hujjatlari hozirgi kunda shakllantirilmoqda.
Shuningdek, “ToshkentboshplanLITI” davlat unitar korxonasida Toshkent shahrining bosh rejasini tayyorlash bo‘yicha amaliy ishlar boshlab yuborilgan.
2023—2027-yillarga mo‘ljallangan dastur loyihasi tayyorlangan. Avval ishlab chiqilgan 17 ta shaharning bosh rejasiga tuzatish kiritish, 292 ta shaharchalarning bosh rejalarini ishlab chiqish, 649 ta qishloq aholi punktlarining bosh rejalari va rejalashtirish loyihalarini tayyorlash dasturga kiritilgan.
Mavzuga doir:
Izoh (0)