Россиянинг собиқ президенти, Россия Федерацияси Хавфсизлик кенгаши раҳбари ўринбосари Дмитрий Медведев Telegram каналидаги постида икки йилдан кейин Украинанинг мавжуд бўлишини шубҳа остига олди.
Пост Украина АҚШдан уни ленд-лиз доирасида газ билан таъминлашни сўрагани, газ учун тўловни икки йилдан кейин амалга оширмоқчилиги ҳақидаги хабарларга муносабат тарзда ёзилган.
Фақат бир савол бор. Икки йилдан кейин Украина дунё харитасида умуман мавжуд бўлади, деб ким айтди?Медведев нима сабабдан икки йилдан кейин Украина жаҳон харитасида йўқ бўлиши мумкинлигини айтмаган. Россия қўшинлари томонидан Украина ҳудудларининг босиб олинаётгани ҳақида постда сўз юритилмаган. Аввалроқ Медведев Польша «Украинанинг бўлиниши»ни уюштирмоқчилиги ҳақида гапирган эди.
Россия 24 февраль куни Украинага кенг кўламда бостириб кира бошлади. Уруш мобайнида Россия деярли бутун Херсон вилоятини ва Запорожье вилоятининг муҳим қисмини назорат остига олди. Донбасс учун жангда Россия Луганск вилоятини деярли тўлиқ эгаллаб олди, Донецк вилоятида эса ўз назорати остидаги ҳудудларни кенгайтирди.
Уруш бошида Россия президенти Владимир Путин Россия Украина ҳудудларини босиб олмоқчи эмаслигини айтган эди, аммо кўплаб норасмий ва расмий далилларга кўра, Кремль ДХР, ЛХР ва Украина жанубида босиб олинган ҳудудларни аннексия қилмоқчи.
Изоҳ (0)