Эрлинг Ҳоланд «Манчестер Сити» билан шартнома имзолади.
21 ёшли футболчи «шаҳарликлар» билан 2027 йилга қадар мўлжалланган шартнома имзолади.
10 май куни «Манчестер Сити» норвегиялик ҳужумчи трансфери борасида «Боруссия Д» билан келишувга эришгани хабар қилинганди. Манчестер клуби Ҳоланд учун 75 миллион евро тўлаб бериши айтилганди. Эрлинг Англияда ҳафтасига 350 минг фунт маош ва қўшимча бонуслар олади.
Ҳоланд трансфери «шаҳарликлар» учун футболчининг маоши билан ҳисоблаганда деярли 250 миллион еврога тушиши айтилганди. Қўшимчасига Эрлингнинг агентига ҳам 50 миллион евро тўлаб берилади.
Норвегиялик футболчи «Боруссия»га 2020 йилнинг январида ўтганди. Шу вақтга қадар у Дортмунд клуби сафида 89 та ўйин ўтказиб, 86 гол ва 23 та голли узатмага муаллифлик қилди.
Изоҳ (0)