«ПСЖ» янги бош мураббий борасида бир қарорга келди

Янги мавсумда «ПСЖ»нинг бош мураббийи ким бўлиши аниқ.

«99% эҳтимол билан Кристоф Гальтье жамоани бошқаради», — дея хабар беради beIN Sports журналисти Умар Алтундаг.

Аввалроқ Зидан «ПСЖ»нинг таклифини рад этгани, парижликларнинг янги футбол маслаҳатчиси Луис Кампос Гальтье номзодини илгари сураётгани хабар қилинганди.

Ҳозирда «Ницца» бош мураббийи сифатида фаолият олиб бораётган Кристоф Гальтье «Марсель», «Сент-Этен» ва «Лилл»да ишлаган. 2020/21 йилги мавсумда «Лилл» билан биргаликда Франция чемпионлигини қўлга киритган. «Ницца» 2021/22 йилги мавсумда Лига 1 ни 5-поғона билан якунлади.

Икки мавсумдан бери парижликлар клубини бошқариб келаётган Маурисио Почеттино «ПСЖ» билан шартномани тўхтатиши хабар қилинганди.