Шавкат Мирзиёев 13 июнь куни ўтказилган маҳсулотларни Европага экспорт қилиш, стандартлаштириш соҳасига доир йиғилишда ҳокимлар ва Инвестиция вазирлигига топшириқлар берди. Бу ҳақда президент матбуот котиби хабар қилди.
Қайд этилишича, вилоят ҳокимларига ўз ҳудудида экспортчилар сонини ошириш ва янги лабораториялар очиш бўйича дастур қабул қилиш топширилган.
Инвестиция вазирлигига:
- халқаро сертификация талабларининг ичига кириб, қайси лабораторияни модернизациялаш ва қайси стандартни ўзгартириш каби масалаларни ҳал қилиш;
- йил якунигача текстил, электротехника, агро ва озиқ-овқат саноати бўйича 27 та халқаро кўргазмада иштирок этиб, камида 100 тадан экспортчиларни Европа бозорига олиб чиқиш топширилган.
Бундан ташқари, агентликка 121 та лаборатория хулосаларини халқаро стандартларга мослаштириб, камида 100 та давлатда тан олинишини таъминлаш топширилган.
Изоҳ (0)