Финляндия президенти Саули Ниинистё Туркия Финляндиянинг НАТОга аъзо бўлишига қарши чиқиши ўзи учун кутилмаган бўлганини маълум қилди.
«Туркиянинг позицияси мени ҳайратда қолдирди, аммо биз у ташвиш билдираётган мавзуларга жиддий қарашимиз керак» — деди у якшанба куни Хелсинкида бўлиб ўтган матбуот анжуманида.
Шунингдек, Финляндия президенти Ниинистё «умид қиламизки, биз ҳаммага мос келадиган ечим топамиз» дея қўшимча қилди.
Унинг сўзларига кўра, «аъзолик бўйича музокаралар давом этмоқда, Туркия ва Финляндия ўртасида ҳал қилиниши керак бўлган кўплаб муҳокамалар мавжуд». «Туркия талаби билан Финляндияда амалга оширилган ишлар ҳақида Туркияга иложи борича кўпроқ айтиб бериш муҳим», — деган Ниинистё.
Ниинистё айтишича, «Финляндияда бошқа НАТО давлатларига қараганда терроризм билан боғлиқ муаммолар кўп эмас, шунинг учун ҳам баъзан Туркиянинг фикрини тушуниш қийин».
Ўз навбатида, Финляндияда ташриф билан бўлган НАТО Бош котиби Йенс Столтенберг Туркия ҳақида гапирар экан, «ҳар қандай хавотирни йўқ қилиш керак», дея қўшимча қилди.
Изоҳ (0)