Россиялик аёл Ўзбекистонга 10 кунлик саёҳати харажатлари ҳақида маълумот берди

Россиялик сайёҳ 2022 йил апрель ойида Ўзбекистонга 10 кунлик саёҳат қилиб, таътил унга қанчага тушгани ҳақида «Камера билан саёҳат» блогида маълумот берди.

Бутун саёҳат унга 123 минг рубль (тахминан 23,2 млн сўм)га тушган. У Москвадан Урганчга ва Самарқанддан Москвага парвозлари учун 27 минг рубль (5,1 млн сўм) тўлаган.

Россиялик аёл саёҳатни ўзи режалаштирмасликка қарор қилиб, 89 минг рубль (16,8 млн сўм)га фототур сотиб олган. Бу пул ичига меҳмонхонада яшаш, нонушта, бир нечта тушлик, мамлакат бўйлаб саёҳат, экскурсиялар ва музейларга чипталар киради.

Дастурга учта шаҳарга: Урганч, Бухоро ва Самарқандга саёҳатлар киритилган.

Ҳаммаси чўлнинг қаеридадир адашиб қолгандек кўринган Хивага саёҳатимдан бошланди. Якун Самарқандда бўлиб ўтди, у ердаги архитектуранинг улуғворлиги том маънода кишини ҳайратга солади, — деди блогер.

Бундан ташқари, сайёҳ маҳаллий ресторанлардаги жуда паст нархлардан ҳайратда қолган. Масалан, Самарқанддаги ресторанда энг қиммат таом 700 рубль бўлган (132 минг атрофида).