ДХР ҳукуматига Виталий Хоценко раҳбарлик қилади. Бу ҳақда Донецк халқ республикаси парламенти ахборотига таяниб «ТАСС» хабар берди.
Хоценко аввал Россия саноат ва савдо вазирлигидаги департамент директори лавозимида фаолият олиб борган.
Донецк халқ республикасининг раҳбари Денис Пушилин бош вазир Александр Ананченко раҳбарлигидаги ҳукуматни истеъфога чиқарган.
Ҳукумат янги вазирлар маҳкамаси шакллантирилгунига қадар ўз фаолиятини амалга оширишда давом этади, дейилади ДХР раҳбарининг тегишли фармонида.
Пушилин ўз Telegram-каналидаги постда Ананченкога амалга оширган ишлари учун миннатдорлик билдирган ва унинг ДХР халқ кенгашига муносиб ҳисса қўшганини қайд этиб, бош вазирликка янги номзодни илгари сураёгани ҳақида ёзди.
Пушилин ҳукумат истеъфосини интеграцион жараёнларни тезлаштириш зарурати пайдо бўлгани билан изоҳлади.
Ананченко ДХР бош вазири лавозимини 2018 йил октябрь ойида эгаллаганди.
Украинадаги уруш туфайли ДХРда яна Россияга қўшилиш зарурати юзасидан референдум ўтказиш ҳақида гап-сўзлар кўпайди. Хусусан 7 июнда ДХР парламенти раиси Владимир Бидевка халқ муҳокамаси ўтказилиши хусусида гапирган. Шунингдек, Донецкнинг Россияга қўшилиши борасида Москва қўшинлари эгаллаб олган Херсон ва Запорожск вилоятларининг янги маъмуриятлари вакиллари ҳам баёнотлар қилган.
Изоҳ (0)