Тиббий-ижтимоий хизматларни ривожлантириш агентлиги «Ижтимоий иш тўғрисида»ги қонун лойиҳасини муҳокамага қўйди.
Ушбу қонуннинг мақсади — ижтимоий хизматлар кенг эътироф этилган ҳолда ижтимоий ишни ташкил этиш ва бажариш соҳасидаги муносабатларни тартибга солиш, ижтимоий хизмат олишга муҳтож, эҳтиёжманд тоифадаги шахсларнинг ҳуқуқларини кафолатлаш, оғир турмуш шароитига тушиб қолишнинг олдини олиш ва енгиб ўтиш, бошқа фуқаролар каби жамият ҳаётида иштирок этишларини таъминлашдан иборат.
Қонуннинг асосий вазифалари қуйидагилардан иборат:
- ижтимоий ишни амалга оширишнинг ҳуқуқий, ташкилий ва иқтисодий асосларини яратиш;
- ижтимоий ҳимоя тизимининг барча даражаларида фаолият кўрсатаётган ижтимоий ходимларнинг вазифалари, ваколатлари, ҳуқуқ ва мажбуриятларини, уларнинг маълумоти, малакаси ва кўрсатадиган хизматларига қўйиладиган талабларни белгилаш;
- ижтимоий ходимларнинг жамиятдаги ўрни ва ваколатларини мустаҳкамлаш;
- давлат бошқаруви органлари, маҳаллий давлат ҳокимияти органлари ва фуқароларнинг ўзини-ўзи бошқариш органлари, бошқа давлат ташкилотлари ва уларнинг мансабдор шахсларининг ижтимоий иш тизимини ривожлантириш ва қўллаб-қувватлаш борасидаги масъулиятини ошириш.
Қонун нафақат ижтимоий ишларни бажариш жараёнини тартибга солиш, балки унинг ҳимояга муҳтож (эҳтиёжманд) шахслар/оилалар ижтимоий-иқтисодий ҳолатига таъсирини тизимли таҳлил қилиш ва шахслар/оилалар оғир турмуш шароитидан чиқиб кетиши бўйича таъсирчан чора-тадбирлар амалга оширилишини таъминлайди.
Изоҳ (0)