«Халқаро шартномани тасдиқлаш тўғрисида»ги президент қарори қабул қилинди. Бу ҳақда Telegram’даги «Ҳуқуқий ахборот» канали хабар қилди.
Қарорга мувофиқ, Ўзбекистон ҳамда Қатар ҳукуматлари ўртасида ҳаво қатнови тўғрисидаги битим тасдиқланган. Ҳужжат 2021 йил 9 июнда Тошкент шаҳрида имзоланган.
Транспорт вазирлиги битимни амалга ошириш учун масъул ҳисобланади. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин Ўзбекистоннинг мажбуриятлари бажарилишини таъминлайди.
Аввалроқ Qatar Airways Ўзбекистонга мунтазам авиақатновларини амалга ошириш учун рухсатнома олгани, Қатар ва Ўзбекистон ўртасида тўғридан-тўғри авиақатнов йўлга қўйилиши кутилаётгани ҳақида хабар берилганди.
Изоҳ (0)