Ўз қўлингиз билан лимон ва кўкатли сариёғ тайёрлаб кўринг

Агар сендвичларни янада мазали бўлишини истасаниз, у ҳолда лимон ҳамда кўкатли сариёғ билан таътиб кўринг. Lifehacker нашри уй шароитида тайёрлаб кўриш мункин бўлган сариёғ рецепти билан бўлишди.

Керакли маҳсулотлар:

• сариёғ — 180 грамм;
• лимон — 1 дона;
• кўк пиёз ва кўкатлар.

1. Музлаткичдан сариёғ бироз олдин олиб қўйилади. У юмшаб туриши керак.
2. Лимон пўсти қирғичдан ўтказилади. 1-2 чой қошиқ етарли бўлади.
3. Лимоннинг шарбатидан ҳам 1,5 ош қошиқ сиқиб олинади.
4. Кўкатлар аввал яхшилаб ювилиб, сўнгра тўғралади.
5. Сариёғ кўкат, шарбат ва лимон пўсти билан аралаштирилади.
6. Сўнгра аралашма худди колбаса шаклида пергамент қоғоз билан ўралади.
7. Музлаткичга камида 2-3 соатга қўйилади.