Соус қўшиб пишириладиган хуштаъм мол гўштли таом рецепти

Lifehacker нашри витаминга бой, шунингдек, хуштаъм таом рецепти билан бўлишди. Ноодатий рецептга кўра қўшиладиган асал таомни янада мазали қилиши шубҳасиз.

Керакли маҳсулотлар:

• мол гўшти — 400—450 грамм;
• соя соуси — 1—2 ош қошиқ;
• барбекю соуси — 2—3 ош қошиқ;
• асал — 1—2 ош қошиқ;
• занжабил — кичкина бўлак;
• саримсоқ — 1 бўлак;
• ўсимлик мойи — 1 ош қошиқ;
• кўк пиёз, туз ва мурч.

1. Мол гўшти сомонча шаклида тўғраб олинади.
2. Барбекю, соя соуси ва асал аралаштирилади.
3. Занжабил ҳамда саримсоқ қирғичдан ўтказилади.
4. Ёғ ўрта оловда товада қиздирилади. Мол гўшти солиниб, 2-3 дақиқа давомида қовурилади.
5. Яхшилаб аралаштирилгач яна 2 дақиқа қовурилади.
6. Табга кўра туз, мурч, саримсоқ ва занжабил солиб аралаштирилади.
7. Устидан соус қуйилади ва яна 5 дақиқа давомида қовурилади.
8. Дастурхонга тортишдан аввал таом кўк пиёз билан безатилади.