Колбаса, пишлоқ ва маккажўхори қўшиб тайёрланадиган иштаҳаочар кесадиля рецепти

Lifehacker нашрида тақдим этилган навбатдаги рецептга кўра, кесадилянинг тайёрлаш жуда осон, мазаси эса оғзида қолади. Начинкасига бошқа маҳсулотлардан ҳам қўшиш мумкин.

Керакли маҳсулотлар:

• пиёз — 1/2 дона;
• дудланган колбаса — 250 грамм;
• ўсимлик мойи — 1 ош қошиқ;
• маккажўхори — 120 грамм;
• қаттиқ пишлоқ — 180 грамм;
• тортилла — 8 дона;
• кинза, аччиқ соус.

1. Пиёз ва колбаса майда тўртбурчак шаклда тўғралади. Ёғ товада қиздирилади.
2. Пиёз юмшагунга қадар 2-3 дақиқа давомида қовурилади. Устидан колбаса ва маккажўхори қўшилади ва яна 3-4 дақиқа пиширилади.
3. Пишлоқ қирғичдан ўтказилади.
4. Битта тортилла қуруқ товага солинади ва устидан пишлоқ сепилади. Сўнгра устидан начинка солинади.
5. Таъбга кўра, кинза ва соус ҳам қўшиш мумкин.
6. Начинка устидан яна пишлоқ сепилади ва яна бир тортилла билан ёпилади. Ҳар икки томони қизаргунча пиширилади.
7. Қолган кесадилялар ҳам худди шу тарзда тайёрланади. Дастурхонга тортишдан аввал иссиқ егуликлар тўртга бўлинади.