Мавсумий таом: сметанадан тайёрланадиган яхна шўрва — окрошка рецепти

Кунлар исиши билан салқин ичимлик ҳамда яхна таомларга бўлган талаб ортади. Lifehacker нашри ёзнинг жазирама кунлари учун айни муддао бўлган окрошка рецепти билан бўлишди.

Керакли маҳсулотлар:

• картошка — 4-5 дона;
• тухум — 4 дона;
• бодринг — 3 дона;
• редиска — 200 грамм;
• колбаса — 250 грамм;
• сув — 1 литр;
• сметана — 250 грамм;
• шакар — 1 чой қошиқ;
•  хантал — 1 ош қошиқ;
• лимон шарбати — 1 чой қошиқ;
• туз, кўк пиёз ва укроп.

1. Картошка 25 дақиқа, тухум эса 10 дақиқа қайнатилади. Совитишга қўйилади, сўнгра тозаланади.
2. Картошка, тухум, бодринг, редиска ва колбаса майда тўртбурчак шаклда тўғралади. Кўк пиёз ҳамда укроп ҳам майда тўғралади.
3. Барча масаллиқ идишга солиниб, қайнатилган совуқ сув қуйилади.
4. Устидан сметана, хантал, шакар ва лимон шарбати солиниб, яхшилаб аралаштирилади.
5. Сўнгра тайёр бўлган таом 1,5 соатга музлаткичга қўйилади.