Фастфуд ресторанидаги қадди қоматга зарар етказмайдиган егуликлар

Кўпчилик вазни ортиб кетмаслиги учун фастфуд ресторанларида фақатгина салатга буюртма беради. Аммо бошқа егуликлардан ҳам хотиржам истеъмол қилиш мумкин. Бундай жойларда ҳамма овқатлар ҳам кўринадиган даражада зарарли эмас. «Lisa.ru» нашри уларнинг бир қанчаси ҳақда фойдали маълумотлар билан бўлишди.

Гамбургер

Оддий гамбургер унчалик кўп калорияга бой эмас — гўштли котлет, бодринг, салат барги ва ҳатто помидор соуси атиги 240 калория, агар пишлоқ бўлса, яна 50 калория қўшилади. Шу билан бирга, у етарли миқдорда оқсилни ўз ичига олади. Шунинг учун ҳеч бўлганда кичкина гамбургерларни истеъмол қилиш мумкин. Парҳездагилар учун эса булочкасиз, ичидаги котлет, бодринг ва салат баргини истеъмол қилиш тавсия этилади.

Мевали сули ёрмаси

Баъзида фас-фуд ресторанлари соғлом нонушталарни таклиф қилади. Одатда бу ерда бўтқага турли хил мевалар қўшилади ва бу ҳам томаман инсон саломатлиги учун хавфсиз. Бордию, қандли диабет туфайли семиришга мойиллик бўлса, майиз қўшилган ёрмадан тановул қилиш тавися этилмайди,

Лавашли рулет

Роллар бургерларга қараганда анча фойдали. Биринчидан, лавашда булочкаларга қараганда калория анч кам, шунингдек, шакар миқдори ҳам оз. Иккинчидан, рулет ва товуқнинг ўзи ёғсиз ҳолда гриллда пиширилади.

Шаурма ҳам худди шунда рулет ва бу кўпчилик ўйлагандек зарарли эмас. Уни тайёрлашда майонезни камроқ қўшишни илтимос қилиш мумкин. Шаурма ҳам кўпинча бир неча қатламли лавашга ўралади, бу эса умуман керак эмас. Лаваш хамирининг ортиқчаси олиб ташланиб, шаурмани истаганча истеъмол қилиш мумкин

Товуқ филесидан салат

Бу егулик калория ва углеводларда бошқаларга қараганда анча паст. Бундан ташқари, энг юқори калория унинг соусларида яширинган, у кўпинча алоҳида тортилади, яъни унинг миқдорини чеклаш ёки ундан бутунлай воз кечиш мумкин.

Тухумли бургер

Бу бургер тахминан 260 калорияни ўз ичига олади ва организмни соғлом оқсил билан ҳам таъминлайди. Гамбургерда бўлгани каби калорияларни камайтириш учун пишлоқни истеъмол қилмаслик мумкин. Аммо кунни ширин нарса билан эмас, балки оқсил билан бошлаш қондаги қанд миқдорини барқарор ушлаб туришга ва узоқ вақт давомида қорин очмаслигига ёрдам беради.

Товуқ ва сабзавотли сендвич

Товуқ гўшти қизил гўштдан фойдалироқ ва сабзавотлар туфайли егулик камроқ калория эга.

Мева ва йогуртли парфе

Бу ширинлик, ҳатто фастфуд ресторанларида ҳам тайёрланади ва 150 калорияни ўз ичига олади. Бу нонушта ва десерт учун мазали ҳамда соғлом вариантдир. Тушлик учун товуқ гўштили салатни парфе билан истеъмол қилиш — организмни узоқ вақт тўқлик ҳисси билан таъминлайди.

Товуқли наггец

Товуқ наггецлари оқсилга бой. Асосийси, улар учун ёғли соус буюртма қилиш шарт эмас. Шунингдек, қарсилдоқ пўстини истеъмол қилмаслик ҳам мумкин. Албатта, ҳамма нарса истеъмол қилинган наггецлар миқдорига боғлиқ — одатда 4 дона билан чекланиш тавсия этилади.

Пицца

Албатта, пиццани юпқа хамирлисини танлаш керак. Қолганлари унинг таркибий қисмлари ҳақида. Ҳар хил турдаги колбаса, сосиска яхши танлов эмас. Аммо товуқ филеси, пишлоқ ва сабзавотлисини вақти-вақти билан сотиб олиш мумкин.

Вок

Хитой лапшаси ва гуручи ҳам зарарли эмас. Бундан ташқари, уларга тез пишадиган сабзавотлар қўшилади — бу қайта ишлаш усули улардаги витаминларни максимал даражада тежаш имконини беради. Қолаверса, пишириш жараёнида ортиқча ёғни олиб ташлашни сўраш ҳам мумкин.

Суши

Энг паст калорияли овқатлардан бири. Лекин қобиқ қилиб пиширилган иссиқ сушига буюртма бермаган маъқул. Чунки унинг таркибида ёғ кўп бўлади.