Дунёдаги энг йирик меҳмонхона оператори Accor компанияси Ўзбекистонда иш бошламоқда. Бу ҳақда компания матбуот хизмати «Дарё»га маълум қилди.
Mercure Tashkent деб номланадиган меҳмонхона 2021 йил март ойидан бери фаолият юритаётган Lumiyere Hotel & SPA меҳмонхонаси ўрнида очилади.
Мамлакатдаги биринчи меҳмонхонани очиш учун Mercure брендини танлаганимиз бежиз эмас. Бу хорижлик меҳмонларга Тошкент руҳини очиб беришнинг энг яхши усули, — дейди Accor New East Europe бош директори Алексис Деларофф.
Меҳмонхонанинг очилиши 2022 йилнинг ёзига мўлжалланган.
Accor — дунёдаги энг йирик халқаро меҳмонхона оператори. Компания 1967 йилда ташкил этилган. 110 та мамлакатда 5300 та меҳмонхона ва 10 000 та ресторан, кафе ва барларни бирлаштиради.
Lumiyere Hotel & СПА Tashkent — 2021 йил баҳорида очилган Тошкентдаги меҳмонхона. Муассислар орасида Хасан ва Хусан Мамасаидовлар бор.
Изоҳ (0)