Аввалроқ Украинадаги урушни қўллаб-қувватламайдиган Беларусь ва Россиянинг минглаб фуқаролари Ўзбекистонга кўчиб ўтгани ҳақида хабар берилган эди.
Уларнинг аксарияти IT-мутахассисларидир. Кўпчилиги IT Park’нинг «Тошкент васвасаси» релокация (кўчиш ўтиш) дастуридан фойдаланишди.
Ушбу дастур доирасида IT-Park Ўзбекистонда етишмаётган IT мутахассислари ва IT компанияларига мамлакатга кўчиб ўтиш ва шу ерда ишлашни давом эттиришга ёрдам беради.
IT Park директори ўринбосари Баҳодир Аюповнинг сўзларига кўра, сўнгги икки ой давомида IТ парк$/ЭХ$да икки минг IT ходим рўйхатдан ўтган, уларнинг 90 фоизи Беларусдан. Бу ҳақда SmartPress хабар бермоқда.
Унга кўра, IT Park вакиллари аэропортда релокантларни кутиб олиб, СИМ-карталарни топшириб, меҳмонхонага олиб боради; болаларни мактаб ва боғчада рўйхатга олиш, банк ҳисоб рақамларини очишда ёрдам беради.
Шунингдек, IT Park Тошкентда иккита турар жой мажмуасини сотиб олди ва ўзининг резидентларига квартираларни ижарага бермоқда. Янги биноларда барча шароитларга эга икки хонали хонадон ойига 500 доллар туради. Бу ижара бозоридаги ўртача нарх.
Релокантларнинг 95 фоизи учун бу Ўзбекистонга биринчи ташрифдир. Шу сабабли, ҳар ҳафта IТ парк$/ЭХ$ маъмурияти маданий-кўнгилочар тадбирларни ўтказмоқда: қадимий шаҳарларга ва театрга саёҳатлар, биргаликда кечки овқатланишлар.
Биз кўплаб релокантлар Ўзбекистонни оралиқ давлат сифатида кўришини тушунамиз. Лекин биз мамлакат PR’ни устувор вазифа қилиб қўйдик, биз учун Ўзбекистон ҳақидаги стереотиплар йўқ бўлиб кетиши муҳим, — дейди Баҳодир Аюпов.
У, шунингдек, Ўзбекистоннинг сиёсий бетарафлигини таъкидлаб, мамлакат Россия, Хитой ва бошқа давлатлар таъсирига тушмаслигини таъкидлади.
Аввалроқ Ўзбекистонга кўчиб ўтган беларуслик IТ мутахассис$/ЭХ$лар таассуротлари ҳақида хабар берилган эди.
Изоҳ (0)