Самарқанд вилояти Каттақўрғон туманида гиёҳвандлик воситаларини етиштирган шахс қўлга олинди. Бу ҳақда Ички ишлар вазирлиги хабар қилди.
Қайд этилишича, вилоят ҳуқуқни ҳимоя қилувчи орган ходимлари томонидан тезкор тадбир ўтказилган. Жараён давомида Каттақўрғон шаҳрида яшовчи (1967 йилда туғилган) Б.М. яшаш хонадонида 150 туп кўкнори ва 1 туп марихуана гиёҳвандлик ўсимлигини парваришлаб келгани аниқланган.
Ҳолат юзасидан ушбу шахсга нисбатан Жиноят кодексининг 270 (тақиқланган экинларни етиштириш) ва 273-моддалари (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни қонунга хилоф равишда ўтказиш) билан жиноят иши қўзғатилган. Ҳозирда тергов ҳаракатлари олиб борилмоқда.
Аввалроқ Жиззахда Тожикистондан олиб ўтилган 2,8 кило опийни сотишга уринган шахс 12 йилга қамалгани, Самарқандда омборхона ерида 2 минг туп марихуана етиштирган шахслар текширув пайтида уларга ўт қўйгани, Фарғонада томорқасида 60 туп каннабис парваришлаб келаётган фуқаро аниқлангани хабар қилинган.
Мавзуга доир:
- Самарқандда уч нафар фуқаро омборхонада 610 туп марихуана парваришлаб келгани аниқланди
- Тошкентда синтетик гиёҳванд моддаларни белгиланган бир манзилдан бошқасига етказиш билан шуғулланган қиз ушланди
- Тошкент аэропортида таркибида наркотик моддаси бўлган шоколад, мармелад ва сақичларни олиб ўтмоқчи бўлган йўловчи тўхтатиб қолинди (видео)
Изоҳ (0)