Товуқ гўшти, картошка ва пишлоқли запеканка рецепти

Lifehacker нашри тақдим этган ажойиб рецепт — товуқ гўшти, картошка ҳамда пишлоқнинг уйғунликдаги таъми оғизда қолиши шубҳасиз.

Керакли маҳсулотлар:

• товуқ филеси — 500-600 грамм;
• картошка — 500-600 грамм;
• помидор — 2-3 дона;
• пишлоқ — 70-80 грамм;
• пиёз — 1-2 дона;
• хантал — 1 ош қошиқ;
• сметана — 200 грамм;
• ўсимлик ёғи — 1 чой қошиқ;
• туз ва зираворлар.

1. Товуқ филеси ва картошка тўртбурчак, помидор думалоқ шаклда тўғралади. Пишлоқ қирғичдан ўтказилади.
2. Пиёз блендерда майдаланади ва сметана ҳамда хантал билан аралаштирилади.
3. Запеканка учун мўлжалланган қолип ёғланади. Биринчи картошка ва филе солинади ва устидан бироз туз, зиравор сепилади. Сметанали аралашма қуйилиб, помидор солинади ва яна туз сепилади.
4. 180 даража печда 50 дақиқа давомида пиширишга қўйилади.