Ёз мавсумида кўпчилик ранг-баранг либослар харид қила бошлайди, аммо алоҳида эътибор бермасангиз, кийимлардаги баъзи принтлар тасаввурингиздаги образни бузиб қўйиши мумкин.
Катта нўхат принт
Нўхацимон нақш романтик образ яратиш учун асосий принтлардан биридир. Аммо бундай кийимларни танлашда эҳтиёт бўлиш ва нақш ўлчамига эътибор бериш лозим. Жуда катта ўлчамдаги нақшлардан қочишни маслаҳат берамиз, чунки улар визуал равишда ёшингизга қўшимча ёш қўшади. Катта нўхатли принт ҳам бундан мустасно эмас.
Горизонтал чизиқли принт
Қоматни визуал равишда катта кўрсатадиган яна бир принт. Йўл-йўл кийимлардан бутунлай воз кечиш шарт эмас. Масалан, кийимдаги вертикал чизиқлар, аксинча бўйни визуал равишда узайтиради. Чизиқларнинг ўзига эътибор беринг, холос. Мисол учун, кенг кўндаланг чизиқларга эга бўлган кийимларни харид қилмаган маъқул.
Катта катак принт
Катакли либослар билан образ ҳар доим ҳам яхши ишламайди ва бу яна ўлчам масаласидир. Катта контрастли катак қоматингизни квадратга айлантириши мумкин, чунки у нафақат ҳажмни визуал равишда оширади, балки нисбатларни ҳам бузади.
Катта гулли принт
Гулли нақшлар ҳар доим ёзги кайфиятни беради. Шунинг учун бу принт қизларга кўпроқ ёқади. Асосийси, катта гуллардан қочишдир. Биринчидан, бундай гуллар ёшга ёш қўшади, чунки улар урфдан қолганга ўхшайди. Иккинчидан, нўхатда бўлгани каби қоматингизни катта кўрсатади.
Анималистик принт
Леопард, зебра, питон ва бошқа ҳайвонлар терисига ўхшаш принтлар бир неча мавсум давомида бутун мода саноатини илҳомлантирмоқда. Бундай кийимлар кўпчиликка ёқади, лекин синчков бўлиш лозим. Принтлар жуда кичик бўлгани учун қоматингиздаги арзимас камчиликларни ҳам деформация қилади ва нисбатларни визуал равишда кенгайтиради.
Мавзуга доир:
Изоҳ (0)