Ўзбекистонда «Ўрта Осиё Транс»нинг хусусийлаштирилиш жараёни бошланди. Бу ҳақда Uzassets компанияси хабар берди.
Музокаралар давомида нарх таклифи ва шартнома бандлари бўйича келишилган шартларининг энг яхши комбинациясини таклиф қилган иштирокчи ғолиб деб эълон қилинади.
Компания ҳақида
«Ўрта Осиё Транс»да халқаро юк ташиш, транспорт экспедицияси ва логистика соҳасидаги 82 малакали мутахассис ишлайди.
Компаниянинг 2021 йилдаги тушуми 2,43 миллиард сўмни ташкил этган.
Uzassets таъкидлашича, Ўзбекистон экспорт салоҳиятининг прогноз ўсиши шароитида логистика марказлари ва омбор терминалларини яратиш ва ривожлантириш эҳтиёжи ортиб бормоқда, компанияга тегишли ҳудуддан эса бундай марказни яратиш учун фойдаланиш мумкин.
Бундан ташқари, тезлик ва ишончлилик, юкларни йўқотиш ёки шикастланиш хавфи пастлиги ҳамда уларни «эшикдан-эшиккача» етказиб бериш имконияти туфайли автотранспорт талабининг ўсиши кутилмоқда.
Изоҳ (0)