«ПСЖ» билан шартномасини узайтирган Килиан Мбаппе нима учун бундай қарорга келгани ҳақида гапирди.
«Реал» билан келишув бўлмагани ҳақидаКилиан Мбаппе «ПСЖ» билан 2025 йилнинг ёзига қадар мўлжалланган шартнома имзолади.Ҳеч ким билан олдиндан келишиб олмаганман. Доим шунақа ишлайман. Барча шартномаларни кўриб чиқдим ва охирида танлов қилдим. Вақт ўтаётган бўлса-да, ҳеч бир жамоа билан келишувим йўқ эди.
Ҳафсала пир бўлишини тушунаман. Мадридликларнинг барчаси мени уларнинг бири бўлишимни хоҳлаганди. Уларнинг менга бўлган меҳри учун миннатдорман.
«Реал»га «йўқ» демадим. Франция ва «ПСЖ»га «ҳа» дедим. Бу ватан ва пойтахт чақириғи эди. Эркин агент сифатида жамоани тарк этиш учун ҳали эрта эди.
Франциянинг амалдаги ва собиқ президентлари қолишни маслаҳат бергани ҳақида
Эммануэль Макрон ва Николя Саркози «ПСЖ»да қолишимни маслаҳат берди. Макрон билан жуда кўп суҳбатлашдик. Бу яхши маслаҳат эди. У қолишимни хоҳлади. Макрон футбол ҳақида суҳбатлаша оладиган инсонларимдан бири. Футбол ўзгарган ва у ҳозир жамият ҳаётининг бир қисмига айланган.
Франциядаги футбол ҳақида
Миллий чемпионатимизни етарлича ҳимоя қилмаганимиз учун қаттиқ танқид қилинамиз. Ўзимизни энг яхши деб ҳисоблашнинг ҳожати йўқ, шу ўринда футболимиздан уялишнинг ҳам кераги йўқ.
Франция футболда муҳим ўрин тутади, буни ёддан чиқармаслик даркор. Бошқа мамлакатларга ташриф буюриш имконига эга бўлдим ва улар ўз футболидан фахрланиши гувоҳига айландим. Бу ерда ҳам шундай бўлса, ажойиб бўларди.
Килиан Мбаппе, «ПСЖ» футболчиси
Маълумот учун, Мбаппе 2018 йилдан буён «ПСЖ»да ўйнаб келмоқда. Парижликлар унинг «Монако»дан трансферига 180 миллион евро тўлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)