Юз терисини парвариш қилиш том маънода ёшликни сақлаб қолиш билан баробардир. Ҳар куни терини тозалаш, уларни тозаламай ухлашга ётишга йўл қўймаслик, вақти-вақти тоник суртиш ва юзни тоза сочиқ ёки қоғоз салфеткалар билан артиб олиш керак. Marie Claire нашри юз терисини парвариш қилишда ҳар куни қандай косметик воситалардан фойдаланиш кераклигини дерматовенеролог, косметолог Татяна Коссова билан биргаликда маълум қилди.
Тозаловчи воситалар
Аввало, терининг турига қараб кунига бир ёки икки марта амалга ошириладиган юз терисини тозаловчи воситадан фойдаланиш керак. Тозалаш воситалари гел, совун ёки сув шаклида бўлади. Танлов кунлик парвариш маҳсулотининг таркибига боғлиқ. Шуни унутмаслик керакки, барча тозалаш воситаларидан фойдалангандан сўнг уни ювиб ташлаш керак.
Тозалаш воситаларининг таркиби алоҳида аҳамиятга эга. Агар юз териси ёғли бўлса, маҳсулот таркибида алфа гидрокси кислоталар бўлиши керак. Агар тери таъсирчан бўлса, маҳсулотда парвариш қилувчи, намловчи ва тинчлантирувчи ингредиентлар бўлиши лозим. Буни косметолог билан олдиндан маслаҳатлашганидан кейин сотиб олиш мумкин.
Кўпчилик юз терисини тозалаш учун мицеляр сувини танлайди ва ундан фойдалангач, ювиб ташламайди, бу парваришда йўл қўйиладиган энг катта хатодир. Ушбу восита тери юзасида махсус плёнка ҳосил қилади ва унинг ҳимоя хусусиятларини бузади.
Тоник
Агар сувга ёки липидга асосланган маҳсулотлардан фойдаланиш маъқул келса, у тозаланган, қуритилган терига енгил ҳаракат билан суртилиши керак. Тоникни пахта ёстиғи билан қўллаш нотўғри эмас.
Сиворотка
Агар терининг ҳаддан ташқари ёғланиши билан боғлиқ муаммолар мавжуд бўлса, алфа гидроксид кислотали сиворотка мос келади, у C витамини ёки юз териси ёғ безларининг фаолиятини камайтирадиган бошқа компонентларни ўз ичига олади.
Шуни таъкидлаш керакки, сивороткадан юзнинг ҳар бир ярмига уч томчи томизилиши керак. Агар тери парвариш қилиш тартиби қаришнинг олдини олиш учун амалга оширилса, маҳсулот таркибида ферул, азела кислотаси ёки C витамини бўлиши лозим. Шунингдек, бўйин териси ҳам ўта сезгир ҳудуд бўлиб, чўзилишга ва эрта ажинларга мойил бўлади, шунинг учун у ҳам ҳар куни қаришга қарши парвариш қилишни талаб қилади.
Крем
Кундалик парваришнинг якуний босқичи терининг турига қараб SPF кремни қўллашдир. Сиворотка ва кремни бир вақтнинг ўзида ишлатиш ҳар доим ҳам шарт эмас, лекин агар сиворотка суюқ бўлса, у терини таранглаштиради, кейин крем қўллаш бу туйғуни бартараф этишга ёрдам беради.
Бальзам ёки лаб бўёғи
Лабларнинг қизил чегараси каби нозик жой ҳақида унутмаслик керак. Куз-қиш даврида ёки баҳор даврида ҳар куни пантеон, бепантен, А витамини каби ғамхўрлик қилувчи ингредиентлардан ташкил топган лаб бўёғи ёки бальзамни қўллашни унутмаслик керак. Қуёшли мавсумда ҳам лаб бўёғидан фойдаланиш жуда муҳим. Кўпчилик буни унутади ва бу лаблар қирғоғининг ҳаддан ташқари қуриши ва қаришига олиб келади.
Изоҳ (0)